आदमघाट धादिङमा चितुवाको आक्रमणबाट शसस्त्र प्रहरी जवान घाइते

धादिङ ०७ चैत्र
दिपक तामाङ
धादिङको गजुरी गाउपालिका वडा नम्बर ६ आदमघाटमा चितुवाको आक्रमणबाट एकजना घाइते भएका छन् । घाइते हुनेमा सशस्त्र प्रहरी बल आदमघाटमा कार्यरत नेत्रावती डबजोङ गाउँपालिका वडा नम्बर ७ का हस्त बहादुर सापकोटा रहेका छन् । चितुवालाई नियन्त्रण गर्न खोज्दा चितुवाले आक्रमण गर्दा सापकोटा घाईते भएका हुन् । गजुरी गाउँपालिका वडा नम्बर ६ आदमघाटका जीवन श्रेष्ठको घरको पूजा कोठामा प्रवेश गरी बसी रहेको अबस्थामा फेला पारिएको थियो । घरधनीले शुक्रबार बिहान पूजा कोठा जाँदा चितुवा देखेपछि तत्काल शसस्त्र प्रहरी बल आदमघाटलाई खबर गरेका थिए । सूचनाका आधारमा इलाका प्रहरी कार्यालय गजुरी र शसस्त्र प्रहरी बल आदमघाटबाट खटिएको टोलीले चितुवालाई नियन्त्रण लिएका थिए । चितुवा शसस्त्र प्रहरी बल गजुरीको नियन्त्रणमा रहेको सहकर्मी मित्र दिपक तामाङले जानकारी दिनु भयो ।