नेपाल रेडक्रस सोसाइटी धादिङ शाखाले पूर्णता पायो

धादिङ, फागुन ३०
नेपाल रेडक्रस सोसाइटीको निर्वाचन सम्पन्न भएको छ । सभापति, महिला उपसभापति, खुल्ला उपसभापति, मन्त्री, उपमन्त्री र उप कोषाध्यक्ष निर्वाचन अगाडि नै निर्बिरोध भएपनि अन्य पदमा शुक्रबार भएको मतदान सम्पन्न भएको छ । निर्बिरोध निर्वाचित हुनेहरुमा सभापतिमा नारायण तिमल्सिना, उप सभापतिमा शान्तिकुमारी श्रेष्ठ र डोलबहादुर अधिकारी, मन्त्रीमा दुर्लभ कुमार तामाङ, उपमन्त्रीमा नारायण कुमार श्रेष्ठ र उप कोषाध्यक्षमा केशव अधिकारी रहेका थिए । शुक्रबार सम्पन्न निर्वाचनमा कुल १६८ जना मतदातामध्ये १५४ मत खसेको थियो भने १४ जना मतदाता मतदानमा उपस्थित थिएनन् । विजयी हुने पदाधिकारीहरुमा कोषाध्यक्षमा १०१ मतका साथ कृष्ण लम्साल विजयी भएका थिए भने उनका प्रतिद्धन्दी मङ्ग तामाङले ४५ मत र मनिश दुवाडीले २ मत प्राप्त गरेका थिए । यस्तै सदस्यहरुमा मिम्बा तामाङ, जीवन कुमार घिमिरे, राजन सिंखडा, भरत कोईराला, नवराज अधिकारी, सोम्बोले तामाङ, ध्रुवबहादुर थापा, माया देवि शर्मा, गंगोत्री चौलागाई, अप्सरा सिंखडा विजयी भएका छन् ।