कोरोना भाइरसबारे जनचेतनाका लागि धादिङबेसीमा हेल्प डेस्क स्थापना

धादिङ ३० फागुन
विश्वमै महांमारीको रुपमा फैलदै गएको कोरोना भाइरस (कोभिड १९) बाट हुन सक्ने सङ्क्रमणलाई मध्यनजर राखेर धादिङबेसी पुछार बजारमा हेल्प डेस्कको स्थापना गरिएको छ । नीलकण्ठ नगरपालिका धादिङ, स्वास्थ्य कार्यालय धादिङ, जिल्ला अस्पताल धादिङ, जिल्ला प्रहरी कार्यालय धादिङ र सशस्त्र प्रहरी बल धादिङको समन्वयमा हेल्प डेस्क स्थापना गरिएको नीलकण्ठ नगरपालिका धादिङका स्वास्थ्य संयोजक विष्णु रिजालले जानकारी दिनुभयो । कोरोना भाईरस(कोभिड–१९)को बारेमा जानकारी दिने र सर्तकता अपनाउने उद्देश्यले धादिङ जिल्लामा पहिलो पटक हेल्प डेस्कको स्थापना भएको स्वास्थ्य कार्यालय धादिङका प्रमुख डा. भुवन पौडेलले बताउनुभयो ।
धादिङबेसीबाट राजधानीतर्फ बाहिरिने र भित्रिने लामो तथा छोटो दुरीका सवारी साधनका यात्रुहरुलाई कोरोना भाईरसबाट कसरी बच्ने ? रोगका लक्षणका साथै यात्रु तथा नागरिकहरुलाई माक्स लगाउन आग्रह गरिने र कोही सङ्कास्पद बिरामी फेला परेमा पहिचान गरी उपचारको लागि नजिकैको अस्पतालसम्म लैजान सहयोग पु¥याउने उद्देश्यका साथ एक जना नर्सको व्यवस्था समेत गरिएको छ । यस्तै प्रत्येक सवारी साधनमा यात्रा गर्ने यात्रुहरुलाई सुचना सामाग्री वितरण गर्ने र अपनाउनुपर्ने साबधानीको विषयमा जानकारी समेत दिइने छ ।