हिमाल बचत सहकारीको स्थापना दिवसमा ६७ जनाले रक्तदान गरे

धादिङ २९ फागुन
हिमाल बचत तथा ऋण सहकारी संस्था लिमिटेड नीलकण्ठ नगरपालिका वडा नम्बर ३ को १९ औँ स्थापना दिवसको अवसरमा आयोजित बृहत खुल्ला रक्तदान कार्यक्रम बिहिबार धादिङबेसीमा सम्पन्न भएको छ । स्थापना दिवसको अवसरमा आयोजित रक्तदान कार्यक्रममा २० जना महिला र ४७ जना पुरुष गरी कुल ६७ जनाले रक्तदान गरेका थिए । वि. सं. २०५७ सालमा स्थापना भएको हिमाल बचत तथा ऋण सहकारी संस्था लिमिटेडले १९ औँ थापना दिवसको अवसरमा आज विहान ८ बजेबाट सुरु भएको रक्तदान कार्यक्रम दिउसो ३ बजेसम्म सञ्चालन भएको थियो । बृहत खुल्ला रक्तदान कार्यक्रममा विद्यार्थी, स्थानीय रेडक्रसकर्मी, स्वयंसेवी रक्तदाताहरुले रक्तदान गरेको रक्तदान कार्यक्रमका अभियन्ता नारायण कुमार श्रेष्ठले जानकारी दिनुभयो ।