पौवाघर संरक्षण समाजले आयोजना गरेको क्वार्टर म्याराथुनको उपाधी खोटाङका जुनेस खड्कालाई

धादिङ २३ फागुन
पौवाघर संरक्षण समाजको आयोजना तथा भैरवी मन्दिर संरक्षण तथा पर्यटन विकास समितिको सह आयोजनामा शुक्रबार भएको क्वाटर म्याराथुनको उपाधी खोटाङका जुनेस खड्काले हात पार्न सफल भएका छन् । जुनेस खड्काले ५७ मिनेट १९ सेकेन्डमा दुरी पार गर्दै प्रथम हुन सफल भएका हुन् । यसै गरी द्वितीय हुनेमा कालिकोटका देवराज महतराले ५९ मिनेट १६ सेकेन्ड, तृतीय हुनेमा धादिङका श्रीलाल तामाङले १ घण्टा ५ सेकेन्ड र सान्त्वना पुरस्कार प्राप्त गर्नेमा नीलकण्ठ नगरपालिका वडा नम्बर ४ पौवाका रमेश ढकालले १ घण्टा ८ मिनेटमा दुरी पारी गर्न सफल भएका छन् । प्रतियोगिताका विजयीहरुलाई राष्ट्रिय योजना आयोगका उपाध्यक्ष प्राध्यापक डाक्टर पुष्पराज कडेंलले पदक र प्रमाणपत्र सहित नगद पुरस्कार वितरण गर्नुभएको थियो । प्रतियोगितामा प्रथम हुनेलाई २५ हजार , द्वितीय हुनेलाई १५ हजार, तृतीय हुनेलाई १० हजार र सान्त्वना हुनेलाई ५ हजार रुँपैया नगद प्रदान गरिएको थियो ।

धादिङको महत्वपूर्ण शक्ति पीठको रुपमा रहेको भैरवी मन्दिरको प्रचार–प्रसार र ऐतिहासिक सम्पदाको रुपमा चिनिएको पौवाघरको संरक्षणका लागि खुल्ला क्वाटर म्याराथुन प्रतियोगिता आयोजना गरिएको पौवाघर संरक्षण समितिका अध्यक्ष सूर्य तामाङले जानाकारी दिनुभयो । धादिङबेसीको खुल्लामञ्चबाट शुरु भएको उक्त म्याराथुन दौड प्रतियोगिताको दूरी पौवाघरहुँदै भैरवी मन्दिरसम्म राखिएको थियो । छपन्न (५६) जना प्रतियोगी सहभागी भएको म्याराथुन दौडमा खेलाडीहरुले नौ किलोमिटरको दुरी पार गरेका थिए ।