दादुरा रुबेला खोप अभियानका विषयमा जिल्ला स्तरीय अन्तरकृया कार्यक्रम धादिङबेसीमा सम्पन्न

धादिङ २२ फागुन
दादुरा रुबेला खोप अभियान २०७६ जिल्ला स्तरीय खोप समितिले बिहिबार सञ्चारककर्मी र सरोकारवालासँग अन्तरकृया एवंम् छलफल कार्यक्रमको आयोजना गरेको छ । जिल्ला खोप समन्वय समिति धादिङको आयोजनामा भएको कार्यक्रममा स्वास्थ्य कार्यालय धादिङका वरिष्ठ जनस्वास्थ्य प्रशासक भुवन पौडेलले दादुरा रुबेला खोपको जानकारी, खोपको उद्देश्य, उपलब्धि, अवस्था, राष्ट्रिय खोप कार्यक्रमको विस्तृत जानकारी, धादिङ जिल्लामा दादुरा रुवेला खोप विरुद्धको वर्तमान अवस्था लगायत विविध विषयवस्तुहरुको बारेमा सहजीकरण गर्नु भएको थियो । कार्यक्रममा स्वास्थ्य कार्यालय धादिङका वरिष्ठ जनस्वास्थ्य प्रशासक भुवन पौडेल, नीलकण्ठ नगरपालिका धादिङका स्वास्थ्य संयोजक विष्णु रिजाल, स्वास्थ्य कार्यालय धादिङका खोप सुपरभाइजर श्याम प्रसाद पोखरेल लगायत सञ्चारकर्मीहरुको सहभागिता रहेको थियोे ।
आगामी चैत्र महिनादेखि धादिङ जिल्लाका सबै स्थानीय तहहरुमा दादुरा रुवेला खोप अभियान सञ्चालन हुनेछ । जस अन्तर्गत पहिलो चरणमा मिति २०७६ चैत्र १ गतेदेखि ९ गतेसम्म नीलकण्ठ नगरपालिका धादिङ, धुनीबेसी नगरपालिका, बेनिघाट गाउँपालिका, गजुरी गाउँपालिका, गल्छी गाउँपालिका, थाक्रे गाउँपालिका, सिद्धालेक गाउँपालिका, ज्वालामूखी गाउँपालिका, द्रोसो चरणमा मिति २०७६ चैत्र १३ गतेदेखि २१ गतेसम्म नेत्रावती डबजोङ गाउँपालिका, त्रिपुरासुन्दरी गाउँपालिका, गङ्गाजमुना गाउँपालिका, खनियाबास गाउपालिका र रुबिभ्याली गाउँपालिकामा यो अभियान सञ्चालन हुँदैछ ।