सुनगाभा एकेडेमीमा सर्वत वितरण कार्यक्रम सम्पन्न

धादिङ बैशाख २४
नेपाली संस्कार, संस्कृतिको जगेर्ना गर्ने उद्देश्यले सुनगाभा एकेडेमी स्काउट टु«प धादिङले अक्षेय तृतीयाको अवसर पारी मङ्गलबार सातु खुदो वितरण गरेको छ । कक्षा नर्सरीदेखि कक्षा १० सम्मका विद्यार्थीहरु तथा उनीहरुका अभिभावकहरुलाई सर्वत वितरण गरेको हो । रीतिरिवाज, कला, संस्कृतिको जर्गेना गर्ने हेतुका साथ उक्त कार्यक्रम गरिएको विद्यालयका म्यानेजिङ डाइरेक्टर रामहरि अधिकारीले बताउनु भयो । यस्तै नियमित पठन पाठनका अतिरिक्त आगामी दिनमा पनि सुनगाभा एकेडेमीले यस्ता खाले अतिरिक्त कार्यक्रमहरु सञ्चालन गरिने विद्यालयका प्रधानाध्यापक बद्रि प्रसाद लम्सालले बताउनु भएको विद्यालयका शिक्षक कपिल जम्कट्टेलले बताउनु भयो ।