सातौँ धादिङ महोत्सवको अवसरमा वृहत रक्तदान कार्यक्रम सम्पन्न

धादिङ ०६ फागुन
धादिङको दिगो विकास र अर्थतन्त्रको आधार, कृषि जलस्रोत पर्यटन र उद्योगको पूर्वाधार भन्ने मुल नाराका साथ धादिङ उद्योग बाणिज्य संघले आयोजना गरेको सातौं धादिङ महोत्सव २०७६ को अवसरमा मङ्गलबार बृहत खुल्ला रक्तदान कार्यक्रमको आयोजना गरिएको हो । नेपाल रेडक्रस सोसाइटी रक्त सञ्चार सेवा केन्द्र धादिङको प्राविधिक सहययोग रहेको रक्तदान कार्यक्रममा २२ जना महिला र १६ पुरुष गरी ३८ जनाले रक्तदान गरेका थिए । धादिङवेसीस्थित खुल्लामञ्चमा बिहान ८ बजेदेखि दिउसो २ बजेसम्म भएको बृहत खुल्ला रक्तदान कार्यक्रममा धादिङ उद्योग वाणिज्य संघका पदाधिकारीहरु तथा स्वयंसेवी रक्तदाताहरुले रक्तदान गरेका थिए । महोत्सव १३ गतेसम्म सञ्चालन हुने छ ।