ताल्ती धादिङमा बसले ठक्कर दिँदा एक बालकको ज्यान गयो

धादिङ ०१ फागुन
धादिङको बेनिघाट रोराङ गाउपालिका वडा नम्बर २ अर्चलेस्थित मलेखु ताल्तीमा बसले ठक्कर दिँदा १ जना पैदल यात्रीको मृत्यु भएको छ । मृत्यु हुनेमा बेनिघाट रोराङ गाउपालिका वडा नम्बर २ का ७ बर्षीय प्रज्वल गुरुङ रहेका छन् । मलेखुबाट ताल्तीतर्फ जादै गरेको ना २ ख ५०५७ नम्बरको बसले ठक्कर दिदा गुरुङको घटनास्थलमै मृत्यु भएको जिल्ला प्रहरी कार्यालय धादिङका प्रहरी नायव उपरीक्षक रुपक खड्काले बताउनु भयो । शव पोष्टमार्टमको लागि प्राथमिक स्वास्थ्य केन्द्र गजुरीमा राखिएको छ भने पैदल यात्रीलाई ठक्कर दिने बस प्रहरी चौकी ताल्तीको नियन्त्रणमा रहेको छ । बस चालक भने फरार रहेको जिल्ला प्रहरी कार्यालय धादिङले जनाएको छ ।