जिल्ला स्तरीय हाजिरी जवाफ प्रतियोगितामा धादिङ बोर्डिङ प्रथम

धादिङ २९ माघ
एन प्याब्सन धादिङले आयोजना गरेको जिल्ला स्तरीय हाजिरी जवाफ प्रतियोगितामा धादिङ बोर्डिङ स्कुल प्रथम भएको छ । सुपर क्याटलिस्ट एकेडेमी खानीखोलामा भएको आधारभूत तह स्तरीय हाजिरी जवाफ प्रतियोगितामा धादिङ बोर्डिङ स्कुलको ए समूह प्रथम भएको हो । यस्तै नेचर स्माइल बोर्डिङ स्कुल द्धिती र धादिङ बोर्डिङ स्कूलकै बि समूह तृतीय भएका छन् । जिल्ला भित्रका ७ वटा संस्थागत विद्यालयका १३ वटा समूहबीच भएको प्रतियोगितामा धादिङ बोर्डिङ स्कूल विद्यालय प्रथम समेत हुन सफल भएको छ । विजयी विद्यार्थीहरुलाई मेडल प्रमाणपत्र र ट्रफीद्धारा पुरस्कृत गरिएको धादिङ बोर्डिङ स्कूलका शिक्षक बालकृष्ण लम्सालले बताउनु भयो ।