२५ औँ जनयुद्ध दिवसको अवसरमा नेकपा नीलकण्ठ नगर कमिटी धादिङले रक्तदान कार्यक्रम गर्दै

धादिङ २९ माघ
२५ औँ महान् जनयुद्ध दिवस अर्थात जनयुद्ध, जनआन्दोलनका सहिदहरुको सम्झनामा सहिद स्मृति दिवसको अवसर पारी नेकपा नीलकण्ठ नगर कमिटीले बृहत खुल्ला रक्तदान कार्यक्रमको आयोजना गर्न लागेको हो । धादिङवेसीस्थित नेकपा पार्टी कार्यालय मदन आश्रित भवनमा बिहान ८ बजेदेखि दिउसो २ बजेसम्म हुने रक्तदान कार्यक्रममा सम्पूर्ण स्वयंसेवी रक्तदाता, पार्टी कार्यकर्ताहरुलाई रगत दान गरी जीवन दान गर्न आयोजकले आग्रह गरेको छ । २०५२ साल फागुन १ गते तत्कालिन नेकपा माओवादीले जनयुद्धको घोषणा गरेको थियो । सोही दिनको स्मरणमा हरेक वर्षको फागुन १ गते जनयुद्ध दिवस मनाइने गरिएको छ ।