सहुलियत कर्जामा महिला उद्यमीहरुको चासो, बैंक तथा वित्तीय संस्था अझै महिला मैत्री हुनुपर्नेमा जोड

धादिङ २५ माघ
महिला उद्यमीहरुले बैंक तथा वित्तिय संस्थाबाट आफै पनि सहुलियतपूर्ण कर्जा पाउन नसकेको गुनासो व्यक्त गरेका छन् । धादिङ उद्योग बाणिज्य संघले पूर्णिमाः नीजिक्षेत्र विकास कार्यक्रम अन्तर्गत आयोजना गरेको महिला उद्यमी र बैंक तथा वित्तीय संस्थाहरुबिच अन्तरक्रिया कार्यक्रममा सहभागी महिला उद्यमीहरुले बैंकिङ प्रक्रियामा झेल्नु परेका समस्याहरु उठान गरेका थिए ।

कार्यक्रममा उद्यमी महिलाहरुको अपेक्षा, खेप्नु परेका चुनौति एवं अवसरहरुको बारेमा गहन छलफल भएको थियो । कार्यक्रममा कृषि विकास बैंक, राष्ट्रिय बाणिज्य बैंक, नेपाल बैंक, सिद्धार्थ बैंक र मुक्तिनाथ विकास बैंकले आ–आफ्ना कर्जा सुविधाका बारेमा जानकारी गराएका थिए । उक्त अवसरमा महिला उद्यमीहरुको वित्तिय संस्थासम्म कसरी वृद्धि गर्न सकिन्छ ? भन्ने विषयमा समेत छलफल भएको थियो । कार्यक्रमको आयोजनामा नेपाल घरेलु तथा साना उद्योग महासंघ र महिला उद्यमी संघ धादिङको पनि सहकार्य रहेको थियो । कार्यक्रममा ६१ जना महिला उद्यमीहरुको सहभागिता रहेको थियो ।