सुनगाभा एकेडेमी धादिङको खेलकुद सप्ताह भव्यताका साथ सम्पन्न

धादिङ २४ माघ
स्वास्थ्यको लागि खेलकुद राष्ट्रको लागि खेलकुद भन्ने मूल नाराका साथ सुनगाभा एकेडेमी धादिङबेसीमा यही माघ २० गतेदेखि सुरु भएको खेलकुद सप्ताह शुक्रबार सम्पन्न भएको छ । सुनगाभा एकेडेमीका प्रधानाध्यापक बद्रि लम्सालको अध्यक्षता रहेको कार्यक्रममा जिल्ला खेलकुद विकास समिति धादिङका अध्यक्ष प्रताप तामाङको प्रमुख आतिथ्यता रहेको थियो । जिल्ला खेलकुद विकास समितिका सचिव कृष्ण लाल श्रेष्ठ र नीलकण्ठ नगरपालिकाका स्रोत शिक्षक मेघनाथ कोइरालको विशेष आतिथ्यता रहेको कार्यक्रममा विद्यालयका प्रबन्ध सञ्चालक रामहरि अधिकारी, विभिन्न संघ÷संस्थाका प्रमुख तथा प्रतिनिधिहरु, विद्यालयका शिक्षक, अभिभावक र विद्यार्थीहरुको सहभागिता रहेको थियो ।

खेलकुद सप्ताहमा स्किपिङ, रिले दौड, टग अपवार, गणित दौड, खो–खो, टेबल टेनिस, चेस लगायतका ३० भन्दा बढी खेलहरु भएका थिए । कक्षा नर्सरीदेखि १० कक्षासम्मका विद्यार्थीहरु सहभागि भएको खेलकुद सप्ताहमा १७ स्वर्ण, १२ रजत र १० कास्यसहित कुल ३९ पदकका साथ पहेलो सदन उत्कृष्ठ सदन हुन सफल भएको छ । यस्तै १० स्वर्ण, ४ रजत र ९ कास्य सहित कुल २३ पदकका साथ निलो सदन दोस्रो, ८ स्वर्ण, १७ रजत र १० कास्य सहित कुल ३५ पदकका साथ हरियो सदन तृतीय र ५ स्वर्ण, ७ रजत र १३ कास्यसहित कुल २५ पदकका साथ रातो सदन सान्त्वना भएको हो ।

खेलकुद उत्सव समापनकै क्रममा अभिभावकहरु र शिक्षकहरुका लागि छुट्टा छुट्टै खेलहरु खेलाइएको थियो । महिला अभिभावकहरुका लागि खेलाइएको तातो आलु खेलमा मनु गुरुङ प्रथम, उषा कोइराला द्धितीय र लक्ष्मी दुवाडी तृतीय हुनुभएको थियो भने पुरुष अभिभावकहरुको लागि खेलाइएको म्युजिकल चियर खेलमा कमल वि.क प्रथम, नविन कुमार द्धितीय हुनुभएको थियो । यस्तै शिक्षकहरुको लागि खेलाइएको बेलुन फुक्ने र फुटाउने खेलमा शिक्षक कपिल जम्कट्टेल विजयी हुनुभएको थियो ।

कार्यक्रमका प्रमुख अतिथि प्रताप तामाङले धादिङ जिल्ला खेलुकदका क्षेत्रमा अत्यन्तै सम्भावना बोकेको जिल्ला भएको बताउदै जिल्ला खेलकुद विकास समिति धादिङले विद्यालय र विद्यार्थीहरुको खेल क्षेत्रमा विकास गर्न सक्दो सहयोग पु¥याउने प्रतिबद्धता जनाउनु भयो ।

यस्तै कार्यक्रमका विशेष अतिथि नीलकण्ठ नगरपालिका धादिङका स्रोत शिक्षक मेघनाथ कोइरालाले नीलकण्ठ नगरपालिकाले विद्यालय तहको शिक्षा र विद्यार्थीहरुको खेल क्षेत्रलाई सुधार गर्न विशेष कार्ययोजना निर्माण गरेर अगाडि बढ्ने बताउनु भयो ।
यस्तै विद्यालयका प्रबन्ध सञ्चालक रामहरि अधिकारीले नियमित शारीरिक अभ्यासले विद्यार्थीहरुलाई फुर्तिलो, तन्दुरुस्त, स्वस्थ बनाउनका साथै नियमित अध्ययनमा पनि सहयोग पु¥याउने बताउदै आगामी दिनमा सुनगाभा एकेडेमीको खेल क्षेत्रलाई थप सुधार गर्ने प्रतिबद्धता जनाउनु भयो ।

शिक्षक कपिल जम्कट्टेलले सञ्चालन गर्नुभएको कार्यक्रममा शिक्षक अनुप भट्टले स्वागत मन्तव्य राख्नु भएको थियो भने विद्यार्थीहरुले विभिन्न सांस्कृतिक प्रस्तुति देखाएर भरपुर मनोरञ्जन दिलाएका थिए ।
कार्यक्रमका थप झलकहरु