सोनामा ल्होछारको अवसरमा माघ २६ गते धुवाकोटमा बृहत सांस्कृतिक कार्यक्रम हुँदै

धादिङ २१ माघ
२८५६ औं सोनाम ल्होछारको पावन अवसरमा विद्यार्थी उपकार संघ नीलकण्ठ नगरपालिका वडा नं. १४ धुँवाकोटले बृहत सांस्कृतिक कार्यक्रमको आयोजना गर्न लागेको छ । तामाङ समुदायको महान् चाड मञ्जुश्री सम्बत २८५६ औं सोनाम ल्होछारको पावन अवसरमा यही माघ २६ गते चर्चित म्हेन्दोमाया कलाकारहरुको साथमा सांस्कृतिक कार्यक्रमको आयोजना गर्न लागिएको हो । विद्यार्थी उपकार संघ धुवाकोटको आयोजना रहेको उक्त सांस्कृतिक कार्यक्रममा मान बहादुर मेमोरियल ट्रस्ट सह आयोजक रहेको छ । चर्चित म्हेन्दो माया कलाकारहरु सीता लामा, आरम्भ तामाङ, शैलाब वाइबा, विजय तामाङ, बुद्धिमान तामाङ लगायत स्थानीय कलाकारहरुले आफ्नो सांस्कृतिक प्रस्तुति देखाउने छन् । विविध सांस्कृतिक कार्यक्रम गरी आन्तरिक पर्यटन प्रवद्र्धन गर्ने र भिजिट बर्ष २०२० लाई सफल बनाउने उद्देश्यले तामाङ समुदायको झाँकी समेत प्रस्तुत गरिने विद्यार्थी उपकार संघका सदस्य सूर्य तामाङले बताउनु भयो ।