त्रिपुरा सुन्दरी गा.पा. स्तरीय राष्ट्रपति रनिङ शिल्डको उपाधी सल्यानटार माविलाई

धादिङ १३ माघ
स्वास्थ्यका लागि खेलकुद, राष्ट्रका लागि खेलकुद भन्ने मुल नाराका साथ यही माघ १० गतेदेखि धादिङको त्रिपुरासुन्दरी गाउँपालिका वडा नं ४ मा सुरु भएको गाउँपालिका स्तरीय राष्ट्रपति रनिङ शिल्ड खेलकुद प्रतियोगिता सोमबार सल्यानटार माध्यमिक विद्यालयको खेलकुद मैदानमा सम्पन्न भएको छ । प्रतियोगितामा गाउँपालिकाभित्रका ११ वटा माध्यमिक विद्यालयको सहभागिता रहेको थियो । प्रतियोगितामा सल्यानटार माध्यमिक विद्यालय ७ स्वर्ण, ८ रजत ,७ कास्य सहित प्रथम, कार्कीगाउँ माध्यमिक विद्यालय सल्यानकोट ६ स्वर्ण, १ रजत ,४ कास्य सहित द्वितीय र रानी पौवा माध्यमिक विद्यालय ५ स्वर्ण ,५ रजत र ५ कास्य सहित तृतीय स्थान हासिल गर्न सफल भएको छ ।

यस्तै त्रिपुरासुन्दरी गाउँपालिका स्तरीय अध्यक्ष कप भलिबलको उपाधी वडा नं ३ मूलपानीले हात पारेको छ । प्रतियोगितामा वडा नं १ रानीपौवा द्धितीय र वडा नं ६ आगिन्चोक तृतीय भएका छन् ।