प्रथम जिल्ला स्तरीय ओयो तेक्वान्दो प्रतियोगिता धादिङबेसीमा सुरु

धादिङ १० माघ
स्वास्थ्यका लागि खेलकुद, राष्ट्रका लागि खेलकुद भन्ने मुल नाराका साथ शुक्रबारबाट धादिङबेसीमा प्रथम जिल्ला स्तरीय ओयो कप तेक्वादो प्रतियोगिता सुरु भएको छ । खेलकुद क्षेत्रको विकास तथा खेलाडीहरुप्रति सम्मान र तेक्वान्दोको प्रवद्र्धन गर्ने उद्देश्यका साथ नेपाल तेक्वान्दो संघ धादिङले उक्त प्रयोगिताको आयोजना गरेको हो । प्रशिक्षक रमेशमान तुलाधरको अध्यक्षता रहेको उद्घाटन कार्यक्रममा नीलकण्ठ नगरपालिकाका मेयर भिम प्रसाद ढुङ्गानाको प्रमुख आतिथ्यता तथा उप प्रमुख मनराज भण्डारीको विशेष आतिथ्यता रहेको थियो । धादिङबेसी स्थित कभर्डहलमा सुरु भएको प्रतियोगितामा ७ वटा डोजाङको सहभागिता रहेको छ । प्रतियोगिताको क्यापिटल फुड्स प्रालिद्धारा उत्पादित ओयो चाउचाउले प्रायोजन गरेको हो ।