विपन्न जेष्ठ नागरिकलाई न्यानो कपडा वितरण गर्दै बेनिघाट रोराङ गाउँ पालिका

धादिङ ०८ माघ
बेनिघाट रोराङ गाउँ पालिकाले गाउँ पालिकाभित्रका गरिब तथा विपन्न जेष्ठ नागरिकहरुलाई न्यानो कपडा वितरण गरेको छ । गाउँ पालिका स्तरीय जेष्ठ नागरिक समाजको समन्वय तथा बेनिघाट रोराङ गाउँ पालिकाको आर्थिक सहयोगमा गाउँ पालिकाभित्रका १० वटै वडाका ७० वर्ष उमेर पुरा भएका विपन्न तथा गरिब जेष्ठ नागरिकहरुलाई ओढ्ने कपडा (ब्ल्याङ्केट) वितरण गरेको हो । १० वटा वडाका विपन्न जेष्ठ नागरिकहलाई कुल १ सय ६८ थान कम्मल वितरण गरिएको ३ नं. वडाका सचिव केशर भुजेलले जानकारी दिनुभयो । जनसङ्ख्याको आधारमा २ वटामा २०/२० र बाकी ८ वटा वडामा १६/१६ थान कम्मल वितरण गरिएको हो । गाउँ पालिकाभित्रका गरिब तथा विपन्न जेष्ठ नागरिकहरुलाई जाडोबाट जोगाउनको लागि यस्तो योजना ल्याएको गाउँ पालिकाका अध्यक्ष हरि डल्लाकोटीले बताउनु भयो ।