विश्वविद्यालय अनुदान आयोगको विदेशी विज्ञ सहितको टोलीद्धारा नीलकण्ठ क्याम्पसको अनुगमन

धादिङ ०६ माघ
क्यु.ए.ए. अन्तर्गत विश्वविद्यालय अनुदान आयोगको विदेशी विज्ञ सहितको पि आर टी टोलीद्धारा सोमबार नीलकण्ठ बहुमुखी क्याम्पस धादिङको अनुगमन गरिएको छ । नीलकण्ठ बहुमुखी क्याम्पसको शैक्षिक क्षेत्र, भौतिक पुर्वाधार क्षेत्र लगाएत विद्यालयले गर्दै आएको क्रियाकलाप तथा गतिविधीहरुको बारेमा अनुगमन गर्न लागिएको हो । प्रा.डाक्टर मनप्रसाद वाग्ले, प्रा.डा. सुरज प्रकाश मलहोत्रा, प्रा.डा. श्रीकृष्ण श्रेष्ठ, प्रा.डा. सावित्री मैनाली, गोपाल आचार्य लगाएतको टोलीले नीलकण्ठ बहुमुखी क्याम्पसको अनुगमन गरेको हो । नीलकण्ठ बहुमुखी क्याम्पस सञ्चालक समितिका अध्यक्ष रामनाथ अधिकारीको अध्यक्षता रहेको कार्यक्रममा जिल्ला समन्वय समिति धादिङका उप प्रमुख विन्दा बरामको विशेष आतिथ्यता रहेको थियो । माघ ६ गते देखि सुरु गरिएको अनुगमन माघ १० गते सम्म हुनेछ ।