प्रथम हर्ष बहादुर क्रिकेट कपको उपाधी ब्राइट फ्युचर मलेखुलाई

धादिङ ०५ माघ
स्वास्थ्यका लागि खेलकुद, राष्ट्रका लागि खेलकुद भन्ने मूल नाराका साथ धादिङको बेनिघाट रोराङ गाउँपालिकामा भएको हर्ष बहादुर स्मृति कप क्रिकेटको उपाधी ब्राइट फ्युचर इङलिस बोर्डिङ स्कुल मलेखुले हात पारेको छ । अन्तर माध्यमिक विद्यालय स्तरीय बृहत खेलकुद उत्सव अन्तर्गत विशालटार स्थित चन्द्रोदय माविको खेलकुद मैदानमा भएको हर्ष बहादुर स्मृति क्रिकेट प्रतियोगितामा ब्राइट फ्युचर इङलिस बोर्डिङ स्कुल मलेखु १ सय १८ रन सहित प्रथम भएको हो । यसै गरी बागेश्वरी माध्यमिक विद्यालय रिचोकटार द्धितिय र शंखादेवी माध्यमिक विद्यालय मझिमटारले तृतीय स्थान हासिल गरेको छ । विजेताहरुलाई शिल्ड, मेडल र प्रमाण पत्रद्धारा पुरस्कृत गरिएको थियो । प्रतियोगितामा बेनिघाट रोराङ गाउँपालिका भित्रका ६ वटा विद्यालयहरुको सहभागिता रहको थियो ।