माघ ९ गतेदेखि जिल्ला स्तरीय तेक्वादो प्रतियोगिता हुदै

धादिङ माघ २
स्वास्थ्यका लागि खेलकुद, राष्ट्रका लागि खेलकुद भन्ने मुल नाराका साथ यही माघ ९ गतेदेखि धादिङबेसीमा प्रथम जिल्ला स्तरीय ओयो कप तेक्वादो प्रतियोगिता हुने भएको छ । खेलकुद क्षेत्रको विकास तथा खेलाडीहरुप्रति सम्मान र तेक्वान्दोको प्रवद्र्धन गर्र्ने उद्देश्यका साथ नेपाल तेक्वान्दो संघ धादिङले उक्त प्रयोगिताको आयोजना गर्न लागेको हो । प्रतियोगितामा राष्ट्रिय तथा अन्तराष्ट्रिय स्तरमा सहभागि बनेर मेडल जितेका खेलाडीहरुको खेलप्रति आकर्षण र उत्कृष्ठ खेलाडी उत्पादनका लागि प्रतियोगिता गर्न लागेको सुनगाभा एकेडेमी धादिङ प्रशिक्षक एवं नेपाल तेक्वान्दो संघ धादिङका प्रदिप गिरीले बताउनु भयो । धादिङबेसी स्थित कभर्डहलमा विभिन्न तौल समुहका खेलाडीबीच माघ ९ गतेदेखि ११ गतेसम्म यो प्रतियोगिता सञ्चालन हुनेछ । प्रतियोगिताको क्यापिटल फुड्स प्रालिद्धारा उत्पादित ओयो चाउचाउले प्रायोजन गरेको छ ।