५८ औँ वार्षिक उत्सवको पूर्व सन्ध्यामा साङ्कोष माविमा नृत्य प्रतियोेगिता

गणेश पाठक
धादिङ २५ पौष
साङकोष माध्यमिक विद्यालय नीलकण्ठ नगरपालिका वडा नं १२ पचघरेको ५८ औं वाषर््िाक उत्सवको पुर्वसन्ध्यामा आयोजित आधारभूत तह अन्तर विद्यालय एकल नृत्य प्रतियोगिता शुक्रबार सम्पन्न भएको छ । नृत्य प्रतियोगितामा पशुपति माध्यमिक विद्यालयकी आशिका घले प्रथम, साङकोष माध्यमिक विद्यालयका विष्णु गुरुङ द्धितीय, मनरुपी माध्यमिक विद्यालयकी सलिना गुरुङ तृतीय भएका छन् । प्रतियोगितामा विजयी हुन सफल प्रतियोगीहरुलाई विद्यालयको वार्षिक उत्सवका अवसरमा पुरस्कार वितरण गरिने छ । यही पौष २७ गते साङ्कोष माध्यमिक विद्यालयको ५८ औँ वार्षिक उत्सव समारोहको आयोजना गरिदै छ । वार्षिक उत्सवको पूर्व सन्ध्यामा विद्यालयमा विभिन्न कार्यक्रम तथा प्रतियोगिताहरुको आयोजना सञ्चालन भइरहेका छन् ।