गल्छीमा सवारी दुर्घटनामा/२ जनाको मृत्यु

धादिङ बैशाख १८
धादिङको गल्छी गाउँपालिका वडा नं. ४ बेल्खुमा आज सवारी दुर्घटना हुँदा २ जनाको घटनास्थलमै मृत्यु भएको छ । चितवनबाट काठमाडौँतर्फ जाँदै गरेको बा. ९७ प २५३८ नम्बरको मोटरसाइकल काठमाडौबाट नवलपरासीतर्फ आउँदै गरेको बा. ४ ख. ९१०३ नम्बरको माइक्रो बससँग ठक्कर खाई मोटरसाईकल अनियन्त्रित हुँदा चितवनबाट काठमाण्डौतर्फ जादै गरेको ना ६ ख ५६१४ नम्बरको ट्रकले किचेर मोटरसाईकलमा सवार चन्द्रागिरी न.पा.५ काठमाण्डौ बस्ने वर्ष २९ को राज महर्जन र वर्ष ३० को कवि कुमार महर्जनको घटनास्थलमा नै मृत्यु भएको हो । घटनास्थलको मुचुल्का पश्चात पोष्टमार्टमको लागी दुवै शव प्राथमिक स्वास्थ्य केन्द्र गजुरी धादिङमा राखिएको र घटनामा संलग्न माईक्रो बस चालक पूर्वी नवलपरासी अरुणखोला न.पा.१२ बस्ने वर्ष ३७ को धन बहादुर चौधरी र ट्रक चालक धादिङ थाक्रे गाउँ पालिका ४ बस्ने राजु अर्याल सहित ट्रक‚ माईक्रो बस र मोटरसाईकल ईलाका प्रहरी कार्यालय गजुरी धादिङको नियन्त्रणमा रहेको जिल्ला प्रहरी कार्यालय धादिङका प्रवक्ता प्रकाश विष्टले बताउनु भयो ।