खाल्टे धुसेनीको भलिबल प्रतियोगितामा एडभान्स एकेडेमी विजयी

धादिङ १५ पौष
तमू ल्होसारको अवसरमा अन्नपूर्ण युबा क्लब, नीलकण्ठ नगरपालिका वडा नं १ द्वारा आयोजित चौथो जगत कप भलिबल प्रतियोगिता मंगलबार सम्पन्न भएको छ । चौथो जगत कप भलिबल प्रतियोगितामा पुरुषतर्फ एडभान्स एकेडेमी धादिङ्बेसी विजेता, अन्नपूर्ण युबा क्लब धुसेनी उपबिजेता भएको छ । प्रतियोगितामा विजेतालाई रु ३० हजार र उपविजेतालाई रु १५ हजार नगद सहित मेडल, टफ्री र प्रमाणपत्र प्रदान गरिएको थियो । यसै गरी महिलातर्फ कालिका आधारभूत विद्यालय नीलकण्ठ नगरपालिका वडा नं ५ भएको छ भने प्रकाश माध्यमिक विद्यालय नीलकण्ठ नगरपालिका वडा नं १ उपबिजेता भएको छ ।

प्रतियोगिताका महिलातर्फको विजेतालाई रु १० हजार र उपविजेतालाई रु ५ हजार नगद सहित मेडल, टफ्री र प्रमाणपत्र प्रदान गरिएको थियो । प्रतियोगितामा उत्कृष्ठ खेलाडी पुरुष तर्फका अन्नपूर्ण युबा क्लब धुसेनीका राजकुमार तामाङ र महिला तर्फका प्रकाश माध्यमिक विद्यालयल नीलकण्ठ नगरपालिका वडा नं १ की गंगा गुरुङलाई नगद रु ५÷५ हजार प्रदान गरिएको थियो । प्रतियोगिताको प्रायोजन तुल बहादुर गुरुङले गर्नु भएको खाल्टेबाट शङ्कर अधिकारीले जानकारी गराउनु भयो ।