त्रिपुरा सुन्दरी ७ लपाङमा जिप दुर्घटना ७ जना घाइते, २ गम्भीर

धादिङ १५ पौष
धादिङको त्रिपुरासुन्दरी गाउँपालिका वडा नं ७ जलजले लपाङमा बोलेरो जिप.दुर्घटना हुँदा ७ जना घाईते भएका छन् । घाईते हुनेहरुमा ५ जना पुरुष २ जना महिला रहेका छन् । बोराङबाट धादिङबेसीतर्फ आउदै गरेको ग १ ज ६७५० नम्बरको मुस्ताङ जिप एक्कासी भित्तामा ठोकिँदा दुर्घटना भएको जिल्ला प्रहरी कार्यालय धादिङका प्रहरी उपरीक्षक रविन्द्र रेग्मीले जानकारी दिनु भयो । दुर्घटनामा घाईतेहरुको खहरेबाट खटिएको प्रहरी टोली र स्थानीयद्धारा उद्धार गरिएको थियो । घाईतेहरुको जिल्ला अस्पताल धादिङबेसीमा उपचार पश्चात गम्भीर घाइते २ जनालाई काठमाडौँ रिफर गरिएको छ । गम्भीर घाइते हुनेहरुमा जल बहादुर तामाङ र कर्ण बहादुर तामाङ रहेका छन् । सवारी चालक फरार रहेको जिल्ला प्रहरी कार्यालय धादिङले जनाएको छ ।