नवदीप सहकारी ज्यामरुङको साधारण सभामा स्वास्थ्य परीक्षण

धादिङ १२ पौष
प्रशान्त ढउन्या
नवदीप बचत तथा ऋण सहकारी संस्था नीलकण्ठ १० ज्यामरुङ धादिङको २० औ वार्षिक साधारण सभा सम्पन्न भएको छ । संस्थाका अध्यक्ष खड्क बहादुर पाण्डेको अध्यक्षता रहेको कार्यक्रममा प्रदेश सांसद डा. राम कुमार अधिकारीको प्रमुख आतिथ्यता तथा नीलकण्ठ नगरपालिकाका उप मेयर मनराज भण्डारीको विशेष आतिथ्यता रहेको थियो । यस्तै विभिन्न सहकारी संस्था, विद्यालयका प्रमुख एवं प्रतिनिधि, समाजसेवी स्थानीय राजनीतिज्ञहरुको आतिथ्यता रहेको थियो ।
साधारण सभाकै अवसरमा मुटु तथा मधुमेहको सामान्य स्वास्थ्य परीक्षण समेत गरिएको हो । शिविरमा १ सय ७५ जनाले स्वास्थ्य परीक्षण गराएका थिए । शिविरमा टुकी नेपाल समाज, हनुमान डाँडा स्वास्थ्य इकाई, हड नेपालको आर्थिक तथा प्राविधिक सहयोग रहेको थियो ।