रेडक्रस सोसाइटी सुनौला बजार उपशाखाको शाधारण सभामा ५८ जनाले गरे रक्तदान

धादिङ १२ पौष
नेपाल रेडक्रस सोसाइटी सुनौलाबजार उपशाखा धादिङको १७ औँ वार्षिक साधारण सभा शनिबार सम्पन्न भएको छ । नीलकण्ठ नगरपालिका वडा नं. ६ को वडा कार्यालयमा भएको कार्यक्रममा नेपाल रेडक्रस सोसाइटी सुनौलाबजार उपशाखाका अध्यक्ष दिपक श्रेष्ठको अध्यक्षता रहेको थियो । कार्यक्रममा नेकपा केन्द्रीय नेता विष्णु पुकार श्रेष्ठको प्रमुख आतिथ्यता रहेको थियो । साधारण सभा कार्यक्रममा प्रदेश सांसद डा. रामकुमार अधिकारी, नीलकण्ठ नगरपालिका धादिङका उप प्रमुख मनराज भण्डारीको विशेष आतिथ्यता रहेको थियो । यस्तै नेपाल रेडक्रस सोसाइटी जिल्ला शाखा धादिङका सभापति सीताराम कोइराल, नीलकण्ठ नगरपालिका वडा नं ६ का वडा अध्यक्ष उद्धव प्रसाद रिजालको आतिथ्यता रहेको थियो । साधारण सभामा संस्थाका सचिव जयराम कोइरालाले वार्षिक प्रतिवेदन र कोषाध्यक्ष भेषराज ठकुरीले आर्थिक प्रतिवेदन प्रस्तुत गर्नुभएको थियो ।

साधारण सभाकै अवसरमा भएको रक्तदान कार्यक्रममा १७ जना महिला र ४१ ज्ना पुरुष गरी ५८ जनाले रक्तदान गरेका छन् । नेपाल रेडक्रस सोसाइटी रक्त सन्चार सेवा धादिङको प्राबिधिक सहयोग रहेको रक्तदान कार्यक्रममा धादिङ सोसियल भोलिन्टर नेपाल ,संयुक्त एम्बुलेन्स चालक समाज, निलकण्ठ नगरपालिका ६ नं. वडा कार्यालय, साना किसान सहकारी संस्था लिमिटेड नीलकण्ठ नगरपालिका वडा नं ६ र युवा रेडक्रस सर्कल भैरवी माध्यमिक विद्यालयको संयुक्त आयोजना रहेको समाजसेवी एवं रक्तदान कार्यक्रमका अभियन्ता नारायण कुमार श्रेष्ठले जानकारी दिनुभयो ।