मण्डली मावि फूलखर्कको अभिभावक भेला सम्पन्न

धादिङ १२ पौष
मण्डली माध्यमिक विद्यालय प्राविधिक शिक्षालय गङ्गाजमुना ५ फूलखर्क धादिङको अभिभावक भेला शनिबार सम्पन्न भएको छ । भेलाले अभिभावकहरुमध्येबाट ४ सदस्य चयन गरेको छ । नवनिर्वाचित सदस्यहरुमा दिपेन्द्र कुमार बुढाथोकी, रमेश अधिकारी, शर्मिला वि.क र हिरादेवी अधिकारी निर्वाचित भएका छन् भने बाँकी सदस्यको मनोनित तथा अध्यक्ष भने अर्को बैठकले छनोट गर्नेछ । शनिबार नै सम्पन्न भेलाले राम बहादुर वि.क को अध्यक्षतामा शिक्षक अभिभावक संघ समिति समेत गठन गरेको छ । जसको सदस्यहरुमा रामदेव सिंह अधिकारी, ज्ञान बहादुर बानियाँ, सरोज बुढाथोकी, संगिता अधिकारी, कृष्ण विक्रम थापा मिन बहादुर गुरुङ रहनुभएको छ ।