न्यु धादिङ बोर्डिङमा स्पोर्ट्स फेस्टिभल सम्पन्न(फोटो फिचर)

धादिङ ०४ पुस
नियमित शिक्षण सिकाईका साथै खेलकुद तथा अतिरिक्त कृयाकलापमा पनि विद्यार्थीहरुलाई अगाडि बढाउने उद्देश्यका साथ न्यु धादिङ वोर्डिङ स्कुल धादिङले यही पुस १ गतेदेखि सञ्चालित खेलकुद उत्सवको शुक्रबार एक कार्यक्रमकाबीच समापन गरेको छ । ४ दिनसम्म आयोजित खेलकुद उत्सवमा कबर्डी, कक फाइट, एक सय, दुई सय र चार सय मिटरको रिले दौड, मिनी म्याराथुन, सियो धागो, चम्चा गुच्चा, फुटशल, भलिबल, ब्याटमिन्टन लगायत २५ भन्दा बढी खेलहरु भएको थियो ।

प्रतियोगितामा विजयी विद्यार्थीहरुलाई विद्यालय व्यबस्थापन समितिका अध्यक्ष कृष्ण प्रसाद दाहालले पुरस्कृत गर्नु भएको थियो । प्रतियोगितामा कक्षा नर्सरी देखि कक्षा ८ सम्मका विद्यार्थीहरुको सहभागिता रहेको विद्यालयका प्रधानाध्यापक अभिषेक बसौलाले जानकारी दिनुभयो ।