आप्रवासी कामदार दिवसको अवसरमा आयोजित वक्तृत्वकलामा धादिङ बोर्डिङकी सर्जना थापा प्रथम

धदिङ ०१ पुस
अन्तराष्ट्रिय आप्रवासी कामदार दिवसको अवसरमा धादिङबेसीमा आयोजित माध्यमिक तह स्तरीय बक्तृत्वकला प्रतियोगितामा धादिङ आवासीय माध्यामिक विद्यालयकी सर्जना थापा प्रथम भएकी छिन् । बैदेशिक रोजगारको अवसर र चुनौती विषयक उक्त वक्तृत्वकला प्रतियोगितामा एड्भान्स एकेडेमीका आमोस तामाङ द्धितिय, चिल्ड्रेनपार्क आवासीय माध्यामिक विद्यालयकी दिपा ढकुरी तृतीय र साङकोष मा।वि।का सुनिल वि।क। सान्त्वना भएका छन् । नीलकण्ठ नगरपालिकाकाको आयोजनजामा सम्पन्न भएको प्रतियोगितामा नगरपालिका भित्रका ७ वटा विद्यालयका कक्षा १० देखी १२ सम्म अध्ययनरत १४ जना प्रतियोगी विद्यार्थीहरुको सहभागीता रहेको थियो ।
कार्यक्रममा सहभागी विद्यार्थीहरुले वर्तमान समयमा वैदेसिक रोजगारी अवसरका साथै–साथै थप चुनौतीपूर्ण बन्दै गएको भन्दै गम्भीर हुनको लागि सरकारसँग माग गरेका थिए । प्रगियोगीको प्रस्तुती करणको शैली, सम्बोधन, समयको ख्याल र शब्द चयन आदिको आधारमा प्रतियोगीको श्रेणी निर्धारण गरिएको हो । प्रतियोगितामा प्रथम, द्धितिय, तृतीय र सान्त्वना हुने विद्यार्थीहरुलाई नगत सहित मेडल र प्रमाणपत्रबाट पुरस्कृत गरिएको थियो ।