धादिङ बोर्डिङमा स्पोर्ट्स फेस्टिभल सुरु (फोटो फिचर)

धादिङ ०१ पुस
शैक्षिक क्षेत्रमा जिल्लाकै उत्कृष्ठ नतिजा ल्याउन सफल संस्थागत विद्यालय धादिङ बोर्डिङ स्कुलले मङ्गलबारबाट वार्षिक कार्यक्रम अनुसार स्पोट्स फेस्टिभलको सुरुवात गरेको छ । शुक्रबारसम्म सञ्चालन हुने खेलकुद सप्ताहमा करिब ३० वटा खेलहरु समाबेश गरिएको शिक्षक प्रकाश गुरुङले बताउनु भयो । कार्यक्रमको पहिलो दिन मङ्गलबार कक फाइट, कबड्डी छात्रा छात्र, १०० मिटर, २०० मिटर र ४०० मिटरको रिले दौड, सियो धागो, चम्चा गुच्चा, नेपाली अङ्ग्रेजी ग्रामर रेस, म्याथम्याटिकल रेस लगायतका खेलहरु भएको शिक्षक अपिल कोइरलाले बताउनु भयो । कक्षा नर्सरीदेखि कक्षा ९ सम्मका विद्यार्थीहरुले सहभागिता जनाएको प्रतियोगिताबाट विजयी विद्यार्थीहरुलाई समापनको दिन विशेष कार्यक्रमको आयोजना गरी पुरस्कृत गरिने प्रधानाध्यापक हरि लम्सालले बताउनु भयो ।