सुनगाभा एकेडेमी धादिङमा वक्तृत्वकला तथा वादविवाद प्रतियोगिता सम्पन्न

कपिल जम्कट्टेल
धादिङ २७ मङ्सिर
संस्थागत विद्यालय मध्येको धादिङ जिल्लाकै पहिलो विद्यालय सुनगाभा एकेडेमीेले नियमित रुपमा सञ्चालन गरिने अतिरिक्त कृयाकलाप अन्तरगत शुक्रबार विभिन्न तहमा वक्तृत्वकला र वाद विवाद प्रतियोगिता सम्पन्न गरेको छ । कक्षा १–द्द, कक्षा ३–५ र कक्षा ६–९ गरी तीन तहमा प्रतियोगिता सञ्चालन गरिएको हो । मेरो विद्यालय शीर्षक रहेको प्रतियोगिताको कक्षा १–२ अन्तरगत ग्रिष्मा लम्साल प्रथम, हर्षित सिलवाल द्धितीय र अमित कुमार तृतीय भएका छन् ।

यता मेरो देश शीर्षक रहेको निशान अधिकारी प्रथम, आशियाना के.सी. द्धितीय र प्रशंसा सिलवाल तृतीय भएका छन् । यस्तै कक्षा ६–९ अन्तरगत महङ्गो लुगा भन्दा स्वस्थ खाना नै ठिक भन्ने शीर्षकमा भएको वाद विवाद प्रतियोगितामा पार्वती गुरुङ प्रथम, जीवन वि.क द्धितीय र मनिता गुरुङ तृतीय भएका छन् । प्रतियोगिताको निर्णायकका रुपमा विद्यालयका शिक्षकहरु दिपक के.सी., सन्तलाल तामाङ र सञ्जु थापा रहनु भएको थियो ।