१५ औँ स्थापना दिवसको अवसरमा सानिमा बैँक धादिङद्धारा रक्तदान कार्यक्रमको आयोजना

धादिङ २७ मङ्सिर
सानिमा बैंंक लिमिटेड शाखा कार्यालय धादिङको १५ औं स्थापना दिवसको अबसरमा आयोजित बृहत खुल्ला रक्तदान कार्यक्रममा ६२ जना स्वयंसेवी रक्तदाताहरुले रक्तदान गरेका छन् । रक्तदान कार्यक्रममा ४६ जना पुरुष र १६ जना महिला गरी कुल ६२ जनाले रक्तदान गरेका थिए । सानिमा बैंक लिमिटेड शाखा कार्यालय धादिङको आयोजना तथा नेपाल रेडक्रस सोसाइटी रक्त सञ्चार सेवा केन्द्र धादिङको प्राविधिक सहयोगमा उक्त रक्तदान कार्यक्रम सञ्चालन गरिएको सामाजिक अभियन्ता एवं स्वयंसेवी रक्तदाता नारायण कुमार श्रेष्ठले जानकारी दिनु भयो ।