ज्वालामुखी दुर्घटना अपडेटः २ जनालाई हेलिकोप्टरबाट काठमाडौँ लगियो

धादिङ २६ मङ्सिर
बिहीबार बिहान धादिङको ज्वालामुखी गाउँ पालिका वडा नं. ४ सुनखानीमा भएको बोलेरो दुर्घटनामा गम्भीर घाइते भएका २ जनालाई हेलिकोप्टरबाट थप उपचारको लागि काठमाडौँ लगिएको छ । दुर्घटनामा गम्भीर घाइते भएका योगेश्वर अर्याल र कृष्ण कुमारी अर्याललाई मनाङ एयरको 9N-AMV हेलिकोप्टरमार्फत काठमाडौँ लगिएको प्रहरी प्रवक्ता रुपक खड्काले जानकारी दिनुभयो । घाइतेहरुलाई थप उपचारको लागि ट्रमा सेन्टर लगिएको हो । यस्तै गम्भीर घाएते भएकामध्ये अरु ७ जनालाई पनि एम्बुलेन्समार्फत थप उपचारको लागि काठमाडौँ लगिएको छ ।