सुनगाभाका विद्यार्थीहरुद्धारा पिठोबाट निर्मित कलात्मक वस्तुहरुको प्रदर्शनी

धादिङ २४ मङ्सिर
कपिल जम्कट्टेल
सुनगाभा एकेडेमी नीलकण्ठ–३, धादिङमा मङ्गलबार अतिरिक्त कृयाकलाप अन्तरगत विद्यार्थीहरुको सिर्जनात्मक कला प्रस्तुत गर्ने कार्यक्रममा विद्यार्थीहरुले पिठोबाट निर्मित विभिन्न किसिमका कलात्मक वस्तुहरुको प्रदर्शनी गरेका छन् । कक्षा १देखि ५ र कक्षा ६ देखि ९ सम्मका विद्यार्थीहरु छुट्टा छुट्टै रुपमा सहभागी उक्त प्रदर्शनी प्रतियोतिामा विद्यार्थीहरुले पिठोबाट विभिन्न कलात्मक फूलहरु, खेलौना, विभिन्न जीव जनावरका आकृतिहरु आदि निर्माण गरी प्रदर्शनी गरेका थिए । प्रतियोगिताको कक्षा १–५ मा कक्षा ५ का प्रिजेन सिंखडा प्रथम, कक्षा ४ की रोशनी वि.क द्धितीय र कक्षा ४ कै जोन तामाङ तृतीय भएका हुन् । यस्तै कक्षा ६–९ मा कक्षा ९ की सम्झना तामाङ प्रथम, कक्षा ८ का राज पाण्डे द्धितीय र कक्षा ७ का आरिफ अन्सारी तृतीय भएका हुन् ।