विद्यार्थीलाई सकारात्मक व्यवहार सिकाउदै सुनगाभा, टच द लाइट कार्यक्रम सञ्चालन

कपिल जम्कट्टेल
धादिङ २३ मङ्सिर
विद्यार्थीहरुलाई सकारात्मक बानी व्यवहार, नैतिकवान चरित्रवान्, समाजसेवी, अनुशासित बनाउने उद्देश्यका साथ सुनगाभा एकेडेमी धादिङले केही महिनाबाट नियमित रुपमा ओम शान्तिसँगको सहकार्यमा कक्षा सञ्चालन गर्दै आएको छ । सोही शिलशिलामा सोमबार पनि ओम शान्तिकी प्रशिक्षक बह्म कुमारी निर्मला दाहालले विद्यार्थीहरुलाई आफू को हो ? इमान्दार कसरी बन्ने ? आदर कसरी गर्न सकिन्छ ? प्रेम के हो ? आज्ञाकारी बन्ने तरिका जस्ता विषयहरुमा विद्यार्थीहरुबीच अन्तरकृया तथा अभ्यासात्मक रुपमा कक्षा लिनु भएको हो । टच द हाइट (Touch the Light) नामक सो कक्षा सञ्चालन भएपश्चात विद्यार्थीहरुको बानी व्यवहार तथा आचरणमा सकारात्मक परिवर्तन आएको प्रशिक्षक दाहालले बताउनु भयो । हाल कक्षा ६ का विद्यार्थीहरुलाई दिइदै आएको सो प्रशिक्षण कक्षा ७ र ८ मा पनि निरन्तरता दिइने बताउनु भयो ।