किबो बोर्डिङ स्कुलमा खेलकुद सप्ताह सम्पन्न, नीलो सदन हाउस अफ द इयर बन्न सफल

धादिङ १६ माघ

धादिङको नीलकण्ठ नगरपालिका वडा नम्बर ३ मा रहेको किबो बोर्डिङ स्कुलमा खेलकुद सप्ताह सम्पन्न भएको छ ।

विद्यालयको प्रधानाध्यापक प्रयास रेग्मीको अध्यक्षतामा सम्पन्न भएको कार्यक्रममा जिल्ला खेलकुद विकास समिति धादिङको अध्यक्ष प्रताप सिंह तामाङको प्रमुख आतिथ्यता रहेको थियो ।

कार्यक्रमका प्रमुख अतिथि तामाङले किबो बोर्डिङ स्कुलले विद्यार्थीहरुको शारिरीक तथा मानसिक विकास गराउनका लागि विभिन्न अतिरिक्त क्रियाकलापहरु गरेको प्रति धन्यवाद व्यक्त गर्दै स्कुललाई खेलकुद सामग्री प्रदान गर्ने बताउनुभएको छ ।

साथै यस्तै विद्यालय स्तरिय खेलकुद कार्यक्रमहरुले नै राष्ट्रिय स्तरको खेलाडी उत्पादन गर्न सहयोग पुग्ने बताउनुभयो ।

उक्त प्रतियोगिताबाट यो साल सिनियर तथा जुनियर दुवै तर्फ नीलो सदन हाउस अफ द इयर भएको छ । जुनियर(प्रि प्राईमरीदेखि ३ ) तर्फ ४१ वटा र सिनियर(३ कक्षा देखि ९ सम्म) तर्फ १८ वटा गोल्ड मेडल हासिल गर्दै हाउस अफ द इयर बन्न सफल भएको हो ।

त्यसै गरि कार्यक्रम कै अवसरमा अभिभावकहरुको बिचमा समेत विभिन्न खेलमा प्रतिस्पर्धा गराईएको थियो ।