न्यू धादिङ वोर्डिङ स्कुलमा Fun Festival कार्यक्रम भव्य रुपमा सम्पन्न

धादिङ १२ माघ

धादिङको न्यू धादिङ बोर्डिङ स्कूलमा Fun festival तथा House wise Drama camp कार्यक्रम भव्य रुपमा सम्पन्न
भएको छ ।

शुक्रबार एक कार्यक्रमको आयोजना गरी अभिषेक बसौलाको अध्यक्षतामा सम्पन्न भएको कार्यक्रममा भूपेन्द्र कुमार श्रेष्ठको प्रमुख आतिथ्यता रहेको थियो ।

विशेष गरी आधारभूत तहका बालबालिकाहरुको क्षमता प्रस्फुटन गर्ने उद्देश्यले आयोजना गरिएको कार्यक्रममा बालबालिकाहरुले Ramp walk, Speech, Acting, Profession role play, Number recognization, House wise Drama camp का साथै नृत्य समेत प्रस्तुत गरिएको थियो ।

House wise Drama camp मा पहेलो सदन प्रथम र रातो सदन द्धितिय भएको छ । उक्त नाटक मार्फत सामाजिक विकृति विसंगतिको उजागर साथै सचेतनाको प्रयास गरिएको थियो । कार्यक्रम कै अवसरमा अभिभावक नृत्य प्रतियोगिता र आधारभूत तहका शिक्षिकाहरुको समुहगत नृत्य समेत प्रस्तुत गरिएको थियो ।

कार्यक्रमका प्रमुख आतिथि भूपेन्द्र कुमार श्रेष्ठले यस्ता कार्यक्रमहरुले बालबालिकाहरुको अन्तरनिहित प्रतिभा प्रस्फुटन गर्न सहयोग गर्ने र आउँदो दिनमा समेत यस्ता कार्यक्रमलाई निरन्तरता दिनुपर्ने बताउनुभएको छ ।