वेनिघाट गाउँ पालिका स्तरीय हाजिरी जवाफ प्रतियोगितामा वागेश्वरी मा.वि. प्रथम

धादिङ २२ मङ्सिर
धादिङको बेनिघाट रोराङ गाउँपालिका स्तरीय माध्यमिक विद्यालय बिद्यार्थी हाजिरी जवाफ प्रतियोगिता सम्पन्न भएको छ । हाजिरी जवाफ प्रतियोगितामा बागेश्वरी माध्यमिक विद्यालय रिचोकटार प्रथम, चन्द्रोदय माध्यमिक विद्यालय बेनिघाट द्धितीय, शङ्खादेवी माध्यमिक विद्यालय मझिमटार तृतीय र हर्कपुर माध्यमिक विद्यालय सान्त्वना भएका छन् । प्रतियोगितामा विजय हुन सफल विद्यार्थीहरुलाई कापी, कलम र शैक्षिक सामग्रीहरुद्धारा गरिएको हो । हाजिरी जवाफ प्रतियोगितामा ११ विद्यालयहरुको सहभागिता रहेकोमा २ वटा नीजि, ९ वटा सामुदायिक विद्यालयहरु रहेका थिए । यस अघि पनि आधारभूत तह अन्तरगत कक्षा १–५, र कक्षा ६–८ का हाजिरी जवाफ प्रतियोगिता सम्पन्न भएका छन् । जसमा शङ्खादेवी माध्यमिक विद्यालयले प्रथम स्थान हासिल गर्न सफल भएको शङ्खदादेवी माध्यमिक विद्यालयका सहायक प्रधानाध्यापक तिलक चेपाङले जानकारी दिनु भयो ।