अन्नपूर्ण आधारभूत विद्यालयको ४६औँ वार्षिक उत्सव भव्यताका साथ सम्पन्न

धादिङ १२ माघ

उत्तरी धादिङको गंगाजमुना गाउँपालिका वडा नम्बर ५ मा अवस्थित अन्नपूर्ण आधारभूत विद्यालयको ४६ औँ वार्षिक उत्सव तथा अभिभावक भेला सम्पन्न भएको छ ।

विद्यालय व्यवस्थापन समितिका अध्यक्ष रामचन्द्र अधिकारी अध्यक्षतामा सम्पन्न भएको कार्यक्रममा गंगाजमुना गाउँपालिकाका उपाध्यक्ष रामेश्वर सिंखडाको प्रमुख आतिथ्यता रहेको थियो ।

त्यस्तै वडा नम्बर ५ का वडा अध्यक्ष कुमार बहादुर अधिकारीको विशेष आतिथ्यता तथा कार्यपालिका सदस्य, वडा सदस्यहरु, राजनीतिक दलका प्रतिनिधीहरु, विभिन्न विद्यालयका प्र.अ तथा प्रतिनिधीहरुको समेत आतिथ्यता रहेको थियो ।

शुक्रबार विद्यालयको वार्षिक उत्सवकै अवसरमा अन्तर वडा स्तरीय आधारभूत तह कक्षा १–५ को अंग्रेजी हिज्जे प्रतियोगिता समेत गरिएको थियो ।

उक्त प्रतियोगितामा प्रथम, द्धितिय, तृतिय र सान्त्वना स्थान हासिल गर्ने विधार्थीहरु
कक्षा १–३ तर्फ
शिव बुढाथोकी (गङ्गाजमुना एकेडेमी) – प्रथम
विवेक नेपाली (मण्डली मा. वि.) – द्वितीय
कमन राना मगर (अन्नपूर्ण आ.वि.)– तृतीय
सन्ध्या भण्डारी (हिले पोखरी आ.वि.) – सान्त्वना
कक्षा–४ बाट
शिवन कार्की (मण्डली मा.वि.) – प्रथम
रोयन आले मगर (अन्नपूर्ण आ.वि.) – द्वितीय
रोविन गुरुङ (ढाडखर्क आ.वि.) – तृतीय
विनोद गुरुङ (सरस्वती आ.वि) – सान्त्वना
कक्षा–५ बाट
कृष राना मगर (मण्डली मा.वि) – प्रथम
रोशन वि.क. (अन्नपूर्ण आ. वि) – द्वितीय
सम्झना गुरुङ (सरस्वती आ. वि) – तृतीय
एन्जल गुरुङ (ढाडखर्क आ.वि.) – सान्त्वना

सम्पूर्ण विजयी विद्यार्थीहरुलाई स्टेश्नरी सामाग्री सहित प्रमाणपत्र प्रदान गरिएको थियो । विद्यालय प्राङ्गणमा सम्पन्न भएको कार्यक्रममा विद्यालयमा अध्ययनरत विद्यार्थीहरुले संस्कृतिक नृत्य समेत प्रस्तुत गरी भव्यताका साथ सम्पन्न भएको थियो ।