मावि स्तरीय हाजिरी जवाफ प्रतियोगितामा धादिङ आवासीय माध्यमिक विद्यालय प्रथम

धादिङ ११ माघ
माध्यमिक विद्यालय स्तरीय हाजिरी जवाफ प्रतियोगितामा धादिङ आवासीय माध्यमिक विद्यालयले प्रथम स्थान हासिल गर्न सफल भएको छ ।

शुक्रबार स्रोत परिचालन बचत तथा ऋण सहकारी संस्था लिमिटेड नीलकण्ठ नगरपालिका ३ को आयोजनामा जिल्लाका १२ वटा माध्यमिक विद्यालय कक्षा ९ र १० बिच सञ्चालन भएको हाजिरी जवाफ प्रतियोगितामा धादिङ आवासीय माध्यमिक विद्यालय प्रथम स्थान हासिल गर्न सफल भएको धादिङ आवासीय माध्यमिक विद्यालयका प्रिन्सिपल ईश्वरी प्रसाद पाण्डेले रेडियो बिहानीलाई जानकारी दिनुभयो ।

प्रथम स्थान हासिल गर्न सफल विद्यालयलाई रु ३ हजार नगद सहित प्रमाणपत्रले सम्मान गरिएको प्रिन्सिपल पाण्डेले बताउनुभयो ।

शैक्षिक क्षेत्रको गुणात्मक बिकास र सवालहरुमा धादिङ आवासीय माध्यमिक विद्यालय जिल्लाकै नमुना र अब्बल विद्यालय बन्न सफल भएको छ ।