प्रयास रेग्मीको अध्यक्षतामा नेशनल प्याब्सन धादिङका नयाँ कार्यसमिती चयन

धादिङ ५ माघ
नेशनल प्याब्सन धादिङका आठौ अधिवेशन सम्पन्न भएको छ ।

नेशनल प्याब्सन धादिङका अध्यक्ष ईश्वरी प्रसाद पाण्डेका अध्यक्षतामा सम्पन्न भएको कार्यक्रममा नेशनल प्याब्सन केन्द्रिय कार्यसमिति सदस्य काशीनाथ कोइरालाको प्रमुख अतिथ्यता रहेको थियो ।

त्यस्तै गरी नेपाल पुस्तक तथा स्टेशनरी व्यावसायी महासङ केन्द्रीय उपाध्यक्ष तथा त्रिपूरा पुस्तक पसल धादिङका प्रोप्राइटर नारायण कुमार श्रेष्ठ र रेडियो बिहानीका स्टेशन म्यानेजर नीर तामाङ को आतिथ्यता रहेको थियो ।

उक्त सम्मेलनबाट अध्यक्ष, सचीव र कोषाध्यक्षको प्रतिबेदन सर्वसहमत रुपमा पारित भएको छ । आगामी कार्यकालको लागि न्यु किबो बोर्डिङ स्कुलका प्रधानाध्यापक प्रयास रेग्मीको अध्यक्षतामा ७ सदस्यीय नयाँ कार्यसमिती चयन गरिएको छ ।

जसको उपाध्यक्षमा अभिषेक बसौला सचीवमा विजय खतिवडा कोषाध्यक्षमा सिताराम महत र सदस्यहरुमा बलराम सिलवाल शोभा कट्टेल तिवारी र विशाल श्रेष्ठ चयन हुनुभएको छ ।

निजि शैक्षिक संस्थाहरुको हकहित, अध्यापनरत शिक्षक हरुको पेशागत क्षमता अभिब्रीद्धी तथा अध्ययनरत बिद्यार्थीहरुको सर्बाङ्गिण बिकासमा संस्था लागिरहने प्रतिवद्धता नवनिर्वाचित अध्यक्ष प्रयास रेग्मी ले व्यक्त गर्नुभयो ।