२२ वर्ष पछी हाड नाता करणी मुद्दाका फरार अपराधी अम्बर राना पक्राउ

धादिङ मङ्सिर २२
जिल्ला प्रहरी कार्यालय धादिङबाट फरार प्रतिवादी पक्राउ अभियान अन्तर्गत प्रहरीले हाड नाता करणी मुद्दाका फरार  पराधीलाई २२ वर्षपछि पक्राउ गरेको हो । जिल्ला अदालत धादिङबाट २०५४ साल वैशाख ३१ गतेको फैसलाले १० महिना कैद र रु. १ हजार जरिवाना फैसला गरेको साविक सुनौलाबजार ४ देउरालीछापका ५३ वर्षीय अम्बर बहादुर राना मगरलाई आइतबार पक्राउ गरिएको हो । प्रक्राउ परेका राना मगरलाई जिल्ला अदालतमा पेश गरी कैद भुक्तानको लागि कारागार धादिङ चलान गरिएको जिल्ला प्रहरी कार्यालयका प्रवक्ता रुपक खड्काले जानकारी दिनुभयो ।