जिल्ला स्तरीय शिक्षक लोक नृत्य प्रतियोगितामा एड्भान्स र चिल्ड्रेनपार्क प्रथम

धादिङ २४ पौष

धादिङ जिल्ला स्तरीय शिक्षक लोक नृत्य प्रतियोगितामा एड्भान्सस एकेडेमी र चिल्ड्रेनपार्क बोर्डिङ प्रथम भएका छन् ।

निजी तथा आवासीय विद्यालय अर्गनाइजेसन नेपाल (प्याब्सन) दिवस एवम् प्याब्सन धादिङको अधिबेशनको अवसरमा जिल्ला स्तरीय लोक नृत्य प्रतियोगिता गरिएको थियो ।

एड्भान्स् र चिल्ड्रेन पार्क दुबैले १७४/१७४ समान अंक ल्याए पछि दुबैलाई प्रथम बनाईएको प्याब्सन धादिङले जनाएको छ । प्रतियोगितमा रोजमेरी द्वितीय, आधारशिला पाठशाला तृतीय र मुनाल एकेडेमी, त्रिपुरेश्वर बोर्डिङ र सल्यानटार बालविकास एकेडेमी सान्त्वना भएका छन् ।

विजेता विद्यालय र शिक्षकहरुलाई प्याब्सनका केन्द्रिय उपाध्यक्ष एवम् जिल्ला अधिबेशन उद्घाटन सत्रका प्रमुख अतिथि किशोर गौतमले नगद सहित पुरस्कार प्रदान गर्नुभएको थियो ।