धादिङ उद्योग वाणिज्य संघको वरिष्ठ उपाध्यक्षमा सुदर्शन रिजालको उम्मेदवारी घोषणा

धादिङ २३ पौष

यही पौष २६ र २७ गते हुने संघको ११ औं अधिवेशनमा सुदर्शन रिजालले वरिष्ठ उपाध्यक्षमा उम्मेदवारी दिनु भएको छ ।

मंगलबार धादिङबेसीमा एक कार्यक्रमको आयोजना गरि उहाँले उम्मेदवारी दिने घोषणा गर्नुभएको हो ।

‘दिन होस् वा रात धादिङ उद्योग वाणिज्य संघ सबै व्यवसायीहरुको साथ’ भन्ने मूल मन्त्रलाई यथार्थमा बदल्न आफुले उम्मेदवारी दिएको उहाँले बताउनुभयो । संघलाई व्यापार, लगानी र उद्यमशीलताको हिसावले नेतृत्वदायी संस्थाको रुपमा स्थापित गर्न आवश्यक रहेको बताउनुभयो ।

त्यस्तै, जिल्लाको उद्योग स्थापना हुने सम्भाव्य स्थलहरुलाई औद्योगिक करिडोरका रुपमा विकास गर्न महत्वपूर्ण भूमिका खेल्ने उहाँले बताउनुभयो ।

त्यस्तै, वरिष्ठ उपाध्यक्ष पदका लागि यस अघि रोहित भण्डारीले उम्मेदवारी घोषणा गरिसक्नुभएको छ ।