पुर्व प्रहरी संगठन धादिङको ३१ औं साधारण सभा सम्पन्न

धादिङ १८ पौष

पुर्व प्रहरी संगठन धादिङको ३१ औं साधारण सभा सम्पन्न भएको छ ।

संगठनका अध्यक्ष नवराज दुवाडीको अध्यक्षतामा सम्पन्न भएको कार्यक्रममा पुर्व प्रहरी संगठन धापासी काठमाडौंका कायम मुकायम अध्यक्ष बिनोद सिंहको प्रमुख आतिथ्यता रहेको थियो । त्यसैगरि जिल्ला भरीका पुर्व प्रहरी, अमर प्रहरीका परिवार, तिनका सन्तती र समाजका गन्यमान्यहरुको भव्य उपस्थिती रहेको संगठनका अध्यक्ष नवराज दुवाडीले जानकारी दिनुभयो ।

उक्त सभामा पुर्व प्रहरीहरुका श्रीमतीहरुले नौमती बाजा बजाई अतिथिहरुलाई स्वागत गरेका थिए ।

उक्त कार्यक्रमको अवसरमा राम्रा र उत्कृष्ठ कार्य गर्ने ९ जना पुर्व प्रहरीहरुलाई दोसल्ला र प्रशंसा पत्रले सम्मानित गरिएको थियो । त्यसै गरि संगठनबाट २ जना पुर्व प्रहरीलाई नगद रु एक हजारले पुरस्कृत गरिएको संगठनका अध्यक्ष दुवाडीले जानकारी दिनुभयो ।