चिम्चोक माध्यामिक विद्यालयको ४७ औँ वार्षिक उत्सव भव्यताका साथ सम्पन्न

धादिङ १४ पौष

उत्तरी धादिङको गंगाजमुना गाउँपालिका वडा नम्बर ३ मा अवस्थित चिम्चोक माध्यामिक विद्यालयको ४७ औँ वार्षिक उत्सव तथा अभिभावक भेला सम्पन्न भएको छ ।

विद्यालय व्यवस्थापन समितिका अध्यक्ष फैनुर्वु गुरुङको अध्यक्षतामा सम्पन्न भएको कार्यक्रममा पूर्व गृहमन्त्री तथा राष्ट्रिय प्रजातन्त्र पार्टीका वरिष्ठ उपाध्यक्ष बुद्धिमान तामाङको प्रमुख आतिथ्यता रहेको थियो ।

त्यस्तै धादिङ क्षेत्र नम्बर २ का प्रदेश सभा सांसद डम्मर तामाङ गंगाजमुना गाउँपालिका अध्यक्ष भक्त बहादुर लामाको विशेष आतिथ्यता तथा गंगाजमुना गाउँपालिका उपाध्यक्ष रामेश्वर सिंम्खडा, विभिन्न वडाका वडाअध्यक्षहरु, राजनीतिक दलका प्रतिनिधीहरु, विभिन्न विद्यालयका प्रतिनिधीहरुको समेत आतिथ्यता रहेको थियो ।

विद्यालयको वार्षिक उत्सव कै अवसरमा अन्तर वडा स्तरीय आधारभूत तह कक्षा ४–५ को हाजिरी जवाफ प्रतियोगिता गरिएको छ ।

उक्त प्रतियोगितामा चिम्चोक माध्यामिक विद्यालय प्रथम, कल्याण माध्यामिक विद्यालय द्धितिय र कल्याण आधारभूत विद्यालय तृतिय भएको चिम्चोक माध्यामिक विद्यालयका प्रधानाध्यापक प्रदिप त्रिपाठीले रेडियो बिहानीलाई बताउनुभयो ।

सम्पूर्ण विजयी विद्यार्थीहरुलाई स्टेश्नरी सामाग्री सहित प्रमाणपत्र प्रदान गरिएको थियो । विद्यालय प्राङ्गणमा सम्पन्न भएको कार्यक्रममा विद्यालयमा अध्ययनरत विद्यार्थीहरुले संस्कृतिक नृत्य संगै भव्यताका साथ सम्पन्न भएको थियो ।