गङ्गाजमुना ३ मा अध्यक्ष कप : शनिबारबाट नक आउट चरणको खेल सुरु

धादिङ १२ पौष

उत्तरी धादिङको गङ्गाजमुना गाउँपालिका वडा नम्बर ३ मा अध्यक्ष कप खुल्ला भलिबल प्रतियोगितामा आज ६ वटा खेल भएको छ ।

६ वटा खेलमध्ये पोल ए बाट पाटा मेन्दो युवाक्लव, कुतालबेशी युवाक्लव र आयोजक टिम बि विजयी भएको छ भने पोल बि बाट आयोजक टिम ए र री स्कुल विजयी भएको वडा नम्बर ३ का वडा अध्यक्ष राजकुमार गुरुङले रेडियो बिहानीलाई बताउनुभयो ।

नक आउट चरणको खेल शनिबार देखि सुरु हुने र खेलको समापन पन्ध्र पुसको दिन हुने अध्यक्ष गुरुङले बताउनुभयो ।

गङ्गाजमुना गाउँपालिकाको आयोजना र वडा नं. ३ को साझेदारीमा भएको प्रतियोगितामा ११ वटा टिमको सहभागीता रहेको छ । सहभागी टिमको ए पोलमा ढाँडखर्क युवाक्लव, पाटा मेन्दो युवाक्लव, दाङसिङ युवाक्लव, कुतालबेशी युवाक्लव, सादन युवाक्लव र आयोजक टिम बि रहेको छ भने बि पोलमा पर्युखर्क युवाक्लव, आयोजक टिम ए, री स्कुल, चिम्चोक ए र चिम्चोक बि रहेको छ ।