अन्तराष्ट्रिय स्वयंसेवक दिवसमा गणेश हिमाल क्याम्पसले गर्‍यो रक्तदान कार्यक्रम

धादिङ २० मङ्सिर
नियमित अध्ययन अध्यापनका अतिरिक्त विभिन्न सामाजिक कार्यमा अग्रसर हुदैँ आएको धादिङबेसीस्थित गणेश हिमाल क्याम्पस धादिङले अन्तराष्ट्रिय स्वयंसेवक दिवस २०७६ को अवसरमा शुक्रबार बृहत खुल्ला रक्तदान कार्यक्रमको आयोजना गरेको छ । गणेश हिमाल क्याम्पस नीलकण्ठ ३, धादिङको आयोजनामा भएको उक्त बृहत खुल्ला रक्तदान कार्यक्रमको सह आयोजकमा लायन्स ब्लब नीलकण्ठ र प्राबिधिक सहयोगी भने नेपाल रेडक्रस सोसाइटी रक्त संचार सेवा केन्द्र धादिङ रहेको छ ।

बिहान ७ बजेबाट सुरु भएको रक्तदान कार्यक्रम ५२ जना स्वयंसेवी रक्तदाताहरुले रक्तदान गरेका हुन् । जसमा क्याम्पसका शिक्षक र विद्यार्थीहरु रहेका थिए । क्याम्पस प्राङ्गणमा भएको भएको रक्तदान कार्यक्रममा ३७ जना पुरुष र १५ जना महिलाहरुले रक्तदान गरेका थिए । विद्यार्थीहरुलाई पढाइसँगै सामाजिक कार्य र समाजसेवाप्रति अभिप्रेरित गर्ने उद्देश्यले समय सयममा यस्ता कार्यक्रमहरु सञ्चालन गर्दै आएको क्याम्पस प्रमुख ईश्वरी प्रसाद पाण्डेले बताउनु भयो ।