नेकपा माओवादी केन्द्र गङ्गाजमुनाको सम्मेलन भव्यताका साथ सम्पन्न

धादिङ २९ मंसिर

नेकपा माओवादी केन्द्र गंगाजमुना गाउँसमितिको तेस्रो गाउँ सम्मेलन भव्यताको साथ सम्पन्न भएको छ ।

मंसिर २८ गते नेकपा माओवादी केन्द्र धादिङका ईञ्चार्ज एवम् संविधान सभाका सदस्य पुष्प विक्रम मल्लको प्रमुख आतिथ्यतामा धादिङको गंगाजमुना गाउँपालिका वडा नम्बर ६ फुलखर्कमा सम्पन्न भएको सभामा माओवादी केन्द्रका केन्द्रिय सदस्य राम बहादुर भण्डारी, नेकपा माओवादी केन्द्र बागमती प्रदेश कमिटीको सहसचिव दल बहादुर बुर्लाकोटी,नेकपा माओवादी केन्द्र धादिङका जिल्ला संयोजक मनराज भण्डारी र जिल्ला समन्वय समितिका प्रमुख नवराज अधिकारीको विशिष्ठ आतिथ्यता रहेको थियो ।

उक्त सम्मेलन कै अवसरमा सहिद परिवारका सदस्यहरुलाई सम्मान समेत गरिएको थियो । साथै गाउँपलिका बाट नया कार्यसमिति गठन गर्नका लागि २ जना महिला पछि थप गर्ने गरि ४३ जनाको नाम सिफारिस गरिएको छ ।

साथै कार्यक्रममा बाजा गाजा सहित विभिन्न ख्याती प्राप्त कलाकारहरु सन्दिप स्याम्चेन, सन्जु लामा र सरोज सिंखडा र स्थानीय कलाकारहरुको विशेष सांस्कृतिक प्रस्तुति रहेको थियो ।

सम्मेलनकै अवसरमा विभिन्न पार्टीमा रहेका व्यक्तिहरु नेकपा माओवादी पार्टीमा प्रवेश गरेका छन् ।
नेकपा एमालेबाट हस्त बहादुर गुरुङ, राष्ट्रिय स्वतन्त्र पार्टीबाट आशविर गुरुङ, नेपाली काङग्रेसबाट आशिश गुरुङ, कुमार न्यौपाने, अजित गुरुङ, विशाल गुरुङ,मिलन गुरुङ, अनिश गुरुङ र विपिन गुरुङले पार्टी प्रवेश गरेका हुन ।