पत्रकार महासंंघ धादिङको अध्यक्षमा सिताराम अधिकारी

धादिङ २९ मंसिर

नेपाल पत्रकार महासंंघ जिल्ला शाखा धादिङको अध्यक्षमा सिताराम अधिकारी बिजयी हुनुभएको छ ।

मंसिर २८ गते शुक्रबार भएको निर्वाचनमा प्रेस सेन्टरका राजन अधिकारीलाई ११ मतान्तरले पराजित गर्दै प्रेस चौतारीका सिताराम अधिकारी बिजयी हुनुभएको हो ।

बिजयी हुनुभएका अधिकारीले ४२ मत प्राप्त गर्नुभयो भने राजन अधिकारीले ३१ मत प्राप्त गर्नुभएको थियो ।

यस्तै महिला उपाध्यक्षमा सरिता श्रेष्ठ बिजयी हुनुभएको छ । श्रेष्ठले ४१ मत ल्याउनुभयो भने उहाँका प्रत्याशी प्रेस सेन्टरकी रविना विकले २९ मत ल्याउनुभयो ।

यसैगरी कोषाध्यक्षमा प्रेस सेन्टरका बद्री अधिकारीले ३८ मत ल्याउदै बिजयी हुनुभयो भने उहाँका प्रत्याशी समाजवादी प्रेस संगठनका शिवराज आचार्यले ३५ मत पाउनुभयो।

यस्तै आदिवासी जनजाति सदस्यमा प्रेस चौतारीका रेख बहादुर गुरुङले ४१ मत ल्याउदै बिजयी हुनुभयो भने खुल्ला सदस्यमा प्रेस चौतारीका उपेन्द्र अधिकारी , प्रेस युनियनका पुरूषोत्तम ढुंगाना,प्रेस युनियनका मनिष श्रेष्ठ, प्रेस चौतारीका बिनोद तमु , समाजबादी प्रेस संगठनका सन्दीप प्रसाद घिमिरे बिजयी हुनुभएको छ ।

यस्तै प्रदेश परिषद सदस्यमा प्रेस युनियनका चित्र बहादुर आचार्य , समाजबादी प्रेस संगठनका राजकुमार ढुंगाना निर्वाचित हुनुभएको छ । भने केन्द्रीय परिषद सदस्य तर्फ प्रेस युनियनकि गोमा थापा बिजयी हुनुभएको छ ।

जिल्ला कार्यसमितिको ३ पदाधिकारी र ५ सदस्य पदको लागि निर्वाचन भएको थियो ।

यसअघि प्रेस युनियबाट उपाध्यक्षमा मनिष दुवाडी, सचिवमा सन्तोषराज श्रेष्ठ, सहसचिवमा विकास रौनियार, समावेशी सहसचिवमा अस्मिता पोखरेल निर्विरोध निर्वाचित हुनुभएको थियो ।

त्यस्तै महिला सदस्य प्रेस युनियबाट सुशीला विश्वकर्मा, दलित सदस्यमा प्रेस चौतारीका अनिल नेपाली र अल्पसंख्यक सदस्यमा समाजबादी प्रेस संगठनकी सनिता चेपाङ निर्विरोध निर्वाचित हुनुभएको थियो ।

यसैगरी प्रदेश परिषद सदस्यमा प्रेस चौतारीकी लक्ष्मी भुजेल,राजाराम डंगोल र प्रेस युनियनकी लक्ष्मी शाक्य तथा केन्द्रीय परिषद सदस्य तर्फ प्रेस चौतारीबाट केशव अधिकारी निर्विरोध हुनुभएको थियो ।

निर्वाचित कार्यसमितिको कार्यकाल आगामी तीन बर्षको हुनेछ ।